7
THEY’RE A’ TEASING ME.
O wha is he I loe sae weel?
Wha was my heart an’ a’,
O wha is he? ’tis sair to tell
He’s o’er the seas awa’,
There’s Charlie he’s a sodger lad,
And Davie blythe is he,
And Willie in his tartan plaid,
They’re a’ teasing me.
O they’re a’ tease teasing,
They’re a’ teasing me.
They’re a’ tease teasing,
O they’re a teasing me.
There’s Carl the chief o’ Daftne glen,
And he has land and store,
With flow’ry mead, and shady fen,
And siller o’er and o’er.
“ Quoth he, sweet lass, I’ll marry thee
(Yestreen in yonder shaw,)
And thou my ain true bride shall be,
And Queen o’ Daftne ha!”
O they’re a’ tease, &c.
But when my Jamie comes again,
Young Carl will then descry,
That siller is but empty gain,
To hearts nae gowd can buy.
My Jamie’s brave, my Jamie’s braw,
My Jamie’s a’ to me,
And tho’ his siller store be sma’
Yet his I’ll only be.
For they’re a’ tease, &c.
