Shetland Folk-Lore
afore I raise, an' shö said : ‘Believe du me du's gaein' ta hae trouble an' be in danger, bit du'll be broucht oot o' it a'. It's no ill ta draem aboot onything dat's white. Pairtin' wi' dee dis mornin' mak's da aald sair ta blöd—laess an' döl, da hidmaist oot-gaein' o' him dat belanged ta me is as vieve as da ooer dat I heard dat he wis nae mair.’
“Weel, I gets a' thing ready, an' awa' I gaengs ta da banks. Whin I comes inta da lodge, da skipper wis sittin' wi' a viskal o' gloy windin' fytlins fur da cappies. Robbie o' Vaaland an' Jockie o' Hamar wir repairin' da bink an sortin' da ringalodie, an' Henry o' Viggie wis sittin' wi' a yarkin alishen shodin' da rackie. Lowrie o'da Krö wis trampin' aboot da door, glowerin' i'ta da lift, seemin'ly in a ill-plaesed möd. Says da skipper ta me:
“‘Boy, tak' dee wis da watter keg an' gaeng ta da green wal an' fill 'im, an' mind ta swill 'im oot.’
“‘Whaar's da keg,’ says I ta Lowrie.
242
