10
JOHN ANDERSON, MY JO.
Sung by Miss Stephens, &c. with great applause. Words by Burns.
John Anderson, my jo, John,
When we were first aequent,
Your locks were like the raven,
Your bonnie brow was brent;
But now your brow is beld, John,
Your locks are like the snow,
Yet blessings on your frosty pow,
John Anderson, my jo.
John Anderson, my jo, John,
We clamb the hill thegither,
And monie a cantie day, John,
We've had wi' ane anither;
Now we maun totter down, John,
But hand in hand we'll go,
And sleep thegither at the foot,
John Anderson, my jo.
———
THE BONNIE WEE WIFE
A Ballad, sung by Madame Vestris, Mrs Ashe, and Miss Paton, at the Orator and Musical Festivals. Written by Burns.
She is a winsome wee thing,
She is a handsome wee thing,
She is a bonnie wee thing!
This sweet wee wife o' mine.
I never saw a fairer,
I never lo'ed a dearer,
And neist my heart I'll wear her,
For fear, my jewel tine.
She is a winsome wee thing,
She is a handsome wee thing,
She is a bonnie wee thing,
This sweet wee wife o' mine.
The warld's wrack we share o't,
The warstle and the care o't,
Wi' her I'll blithely bear it,
And think my lot divine.
