AULD LANGSYNE
Shou’d auld acquaintance be forgot,
An’ never brought to mind?
Shou’d auld acquaintance be forgot;
An’ days o’ langsyne?
For auld langsyne, my dear,
For auld langsyne,
We’ll tak a cup o’ kindness yet,
For auld langsyne.
We twa hae run about the braes,
An pu’d the gowans fine,
But we’ve wander’d mony a weary fit,
Sin’ auld langsyne.
For auld langsyne.
We twa hae paidl’d i’ the burn;
When simmer-days were prime;
But seas between us braid hae roar’d
Sin’ auld langsyne.
For auld langsyne, &c.
Now there’s a hand, my trusty feire,
An’ gie’s a hand o’ thine,
Syne toom the stoup to friendship’s growth,
An’ auld langsyne
For auld langsyne, &c.
But surely ye’ll be your pint-stoup,
And surely I’ll be mine;
And we’ll tak a right gude willie-waught,
For auld langsyne.
For auld langsyne, &c.
