22
Sae be nae vex'd, my bonny lassie, Let my waiting stand for thine, We'll awa to Craigton shaw, And seek the joys we tint yestreen.
A RED, RED ROSE.
O my love's like a red, red rose That's newly sprung in June; O my love's like the melodie That's sweetly play'd in tune.
As fair art thou, my bonny lass, So deep in love am I; And I will love thee still, my dear, Till a' the seas gang dry.
Till a' the seas gang dry, my dear, And the rocks melt wi' the sun ; I will love thee still, my dear, While the sands o' life shall run.
And fare-thee-weel, my only love! And fare-thee-weel a while ; And I will come again, my love, Tho' it were ten thousand mile!
