29. Ok xilitah chi ꜭa ri Cavek chiri xenima chah, Ximbal xuꜭ rubi huyu. Ok xaꜭaxax ꜭa roꜫebal çak corovach xe nima chah, ru halebal ri cavek. Que chaꜭa ri ꜫaꜫavitz Çactecauh: chinak tux ri, chinak chi kucheeh, quecha. Ok xcha ꜭa ri Loch, Xet: ꜭo vikan, at ahval, ha ti koqueçah, xecha. Ox xquiz ꜭa quikan; xa ꜭa xuꜭ, çakquiy, xabanbal xahab quikan, mani quikan xae ru ka xbachican quehay, ꜯumhay; quere quibinaam vi Ahquehayi ri. Ok xrip ꜭari xuꜭ chuvi chee, xꜭambex richin çakcorovach xe nima chah, ok xuya ꜭarij chupam xuꜭ ri çak corovach, xcha ꜭa ok xuya ri: At ahauh, maqui quin a camiçah. Chinak na ꜭa catux, xucheex. Xchaꜭa: Xa xoh çachcan ruma ahauh Qechee, xa oh achaꜫ animal, oh Cavek, xakotiꜭen atitil, aꜫana abah, xecha ꜭa ri ok xquiya quij, qui tata qui mama Caveki. He cay chi achi Totunay ru bi hun, Xurcah ru bi hun chic, ꜭoh quikan Cavek Paoh ru bi, xeucheex ꜭa ruma ꜫaꜫavitz, at rucah nu chinamit catux, ꜫekaꜭuch, Baꜭahol, Cavek Cibakihay, qui xucheex, kitzih vi chi at nu chaꜫ nu nimal. Xavi ꜭa xu cheex chic Ahquehay, chirih nu chinamit cat ahilax vi, at rikan kaꜯak kibah catux, huruma ri mani rikan, xere vi ri xuꜭ, xꜭambex Cavek, que ꜭa xꜯakat vi chinamit ri, que cha oher ka tata ka mama, yxkaꜭahol, xa maqui hemezta ytzih ha e ahaua vi.
Qui ꜭhacbal ꜭa ka mama, ok xcam.
30. Xeapon chiꜭa chuvi huyu ꜭhopi ytzel, xcha ꜫaꜫavitz chire Çactecauh: koꜫax chuvi çivan. — Utzan, xcha. Ha ꜭa nabey xꜫax ri ꜫaꜫavitz, ok xrah ꜭa xꜫax chic ri Çactecauh; maqui ꜭa xꜫax, xtzak ka pa civan:
