ꜭo vi, at ahauh, xcha. Catoho, bat tiquic, xucheex ꜭa ri Tolꜭom. Ok xu ya rii, xchapatah, xpe ꜭa ru chapon chic xul cuꜭin, xeucheex ꜭa ri ahlabal vuk amaꜫ, ok xuya ri Tolꜭom: xtikaꜫahartiçah can vae huyu, yx quixçao ru vach nu telechee nu cana; xtikaquiyah, xtika ꜭatohih ru vi nu telechee, xtikeꜯabeh xtikaꜭak, xtikaꜫahartiçah can rubi vae huyu ꜭakbaꜯulu tucheex ruma vinak ꜯak, yx ahaua, xeucheex ꜭa conohel ahlabal.
36. Quereꜭa xquibijh vae: At kaçhaꜫ, hun nabey al, hun ꜭa ꜭhipil al chikichin, xtiketah ꜫih çak chi popol vach oh oxlahuh chi ahlabal, xti ka ya a muh a ꜫalibal, a tem, a ꜭhacat, avahavarem. He ree cay chi al Çoꜯil Tukuche que ucheex, xcat kachi quicohol Ahpoçoꜯil Ahpoxahil, qui xucheex xa chiri taban vi, at naek huvi chi ahlabal, la naek achaꜫ animale, Bacah Pok, Bacah Xahil; qui xucheex naek xa hunam ꜫaꜫal tepeval, at kachaꜫ, xucheex ꜭa; tok xelahibex ru vach, ok ru yaic ri Ahpoçoꜯil Ahpoxahil, maqui naek oh Çoꜯil Tukuche la naek, kachaꜫ ka nimal lae Bacah Pok, oh ꜭa Bacah Xahil, yxkaꜭahol. Quecha ri e oher katata kamama: Oh huvi chi ahlabal xa ruma ri nim qui puz qui naval, he navipe hei kayom, ri ꜭha pocob. Quereꜭa xelahibex vi quivach, a nabey ka mama ri, ruma ri ꜭiy xukaçah ru ꜫih ralaxic.
37. Ok xtiquer ꜭa ru camiçaxic ri Tolꜭom, xvikitah na, xoc na ru cauh, ꜭate ꜭaok xrip ruꜫa chuvach chee lama xꜭak vi. Ok xtiquer ꜭa xahoh ruma ronohel ahlabal, xavi Tolꜭom rubi bix. Xquixah ok xtiquer ꜭa
