40. Elenak chi pe ꜫih, quecha e oher tata mama, xul ꜭa chiri pa çakeribal, he ꜭa banoninak chic rutee runam ri ꜫekaquch, Cibakihay, Cavek, Ahquehay; maqui utz tuna chiri Baꜭahol, xuꜭhih chi oc ri chi tee, chi nam ok xquiꜭul cahpop; xꜫil ꜭa el xucheex: maqui quina ꜭul, at Baꜭahol, hari mixacha, yn ahpop cacha, mixavelahih aꜭuval chiqui vach he tee e nam, ahpop Baꜭaqol ma xa tucheex tava, maqui at nutee at nunam, xucheex, ꜭa xax cha chic xuꜭuluba: Mani chic xubijh, Yn atee yn anam. At vah pop, xa xcha chic, xa xu ꜭhih chic rij.
41. Cani ꜭax quetah cahpop chi ahauarem, xcukubax chuvi ru tem ru ꜭhacat, cani xatiniçax chupam atinibal çel, cucu; cani xya pa ꜭul pan paz, pa cuçul, pa taꜭh vi, xoc ꜭa ru titil, ru ꜫaha abah, ru xak, ru caka uleuh, xꜭiz oc rahauarem vach, cuma ruhay ru chinamit, quecha y mama yxnuꜭahol. Quereꜭa tee nam vi chinamit ri huma ohoh ahpop; Xavi ꜭa quere tantuban ronohel ahlabal chupam he ru çakeribal, xavi tantetax rahauarem ruma ru hay ru chinamit. Xamulumuxinak chic chupam ruçakeribal; oxꜭhob ꜭa chi amaꜫ xçaker chiri, Çoꜯil vinak, Cakchiquel vinak, Tukuchee vinak; Ahkahal xahalatak ru cohol huyu, xe gaker viri oxꜭhob chi amaꜫ. Chuvi ꜭa huyu Tohohil xçaker vi ꜭeche vinak, chuvi ꜭa huyu Çamaneb xçaker vi Rabinale; ahiri ꜭa xrah çaker vi ꜯutuhile pa ꜯala; xa maha tutzin ru ꜭak tok xçaker cuma ruchinamit. Maqui ꜭa xmecho chic chiri pa ꜯala, xaxiꜭo chic chicah, chiri chuvi huyu chi ꜭeletat, çaktihaxic, xtzakovi el ri, cani xapon chila Xepoyom. Cani xe rucanah rahlabal ruchinamit, maqui xbanatah xuban,
