Qui benebal vae ruꜭin Tepeuh.
51. Xebe ꜭa ri ka mama Caynoh, Caybaꜯ ruꜭin Tepeuh, he huꜭiçic xebe, xax quiyonih chicam ri ꜫalel Xahil, Ahuchan Xahil; xeapon ꜭa ruꜭin Tepeuh. Chinak qui xux, xeucheex ruma Tepeuh oh ru ꜭahol ꜫaꜫavitz, ꜭi xecha ꜭari Caynoh, Caybaꜯ; ꜭi xmacamo ꜭa Tepeuh, ok xraꜭaxah quitzih, quereꜭa xeꜭaçe vi ri ruma Tepeuh he ta camel ok xebe ruꜭin.
52. Tok xetak ꜭa chi ꜭamoh patan rumal Tepeuh, xe be ꜭamo ru patan amaꜫ. Mani ꜭa xe cam vi chuvi tak amaꜫ chi ꜭamoh patan; kitzih chi ronohel tixibin qui puz qui naval ri Caynoh Caybaꜯ; tihulhut que ꜭohe vi chaꜫa quere ri ꜫaꜫ, tibirbot ꜭa quere ri Cabrakan; qui quereꜭa tu xibih vi ri amaꜫ ri, ok que apon chuvi tak amaꜫ, ronohel ꜭa xya chique rumal amaꜫ, qui ꜭambal patan. Chila ꜭa relebal ꜫih, xpuvakix vi pe qui xet, puvak, baꜯbal qui xet xux, rumal amaꜫ qui ꜭambal patan; xnimax quitzih, quere xae ru ꜭahol Tepeuh xux ruma ri xbanatah xqiban, kitzih eloꜫ xeux ruma.
Ri yabal quixhayl vae.
53. Xebe chiꜭa e ꜭamol patan chi Ahꜯiquinahay, ꜭi xerihix ꜭa chi ꜭaholal kamama. Chila ꜭa chi Ahꜯiquinahay xbeya vipe quixhail, xaꜭa quixet xrayix, puak baꜯbem quixet. Ok xe apon ꜭi xcha ꜭa Ahꜯiquinahay: quekahiah ree ru çamahal Tepeuh, kitzih tixibin qui naval; kaya quixhayil, ka ꜭama can qui xet; xecha, maqui ꜭa xel qui chi ahaua chique Caynoh, Caybaꜯ; xquixibih qui ꜭoh cuxla xquina xaꜭa xbe eleꜫaxel
