quixet chaꜫa, cuma quimeal ahaua; xa eleꜫal xbe çelel quixet tan quevar; ha ꜭa quimeal ahaua hun Çunꜭunꜫanel Mayahauh, Puci ahauh xequiꜭam ri Caynoh, Caybaꜯ qui bi quixhail vae Bubaꜯo ru bi hun, Ycxiuh rubi hunchic. Mani chi ꜭa quixet xquina ri ka mama xe macamo, ꜭi xe cha ꜭa: Mixoh y ꜫalaba, at Ahꜯiquinahay, xtoyevar Tepeuh ckikih; Xecha: — Ba y xibih yvij, xtika ya yvix hayil, xquixkahiah, maquina ytzel xtikaban, quixbe bijx chire Tepeuh, xmaqui chivi xeucheex. Tok xya ꜭa chiquichin ri quixhail, xebe ꜭa bijx chire Tepeuh. Xax maqui chi vi xebe, xquixibih qui chuvach Tepeuh, cani xquevah qui chupam pec, xeyaloh chupam pec, chi e van ri xubinaah Pecparu pec, Caynoh tucheex.
Canobal quichin vae.
54. Tok xe canox ꜭa ruma chinamit: Oh e ka canoh kah pop, ba tan e ꜭo vi, xkaꜫalabaki, xkaꜭaxah quitzih ree xa maqui paal qui tee qui tata, ꜭi xechari ꜫekaquch, Baꜭahol, Cavek, Cibakihay chique Caynoh, Caybaꜯ. Tok xe canay ꜭa pa pec, que cha ri canoy quichin xe apon: Oh canoy yvichin, yxkahpop, kitzih vi tan hoye ka vach, xecha. Caniꜭa xecha ri Caynoh, Caybaꜯ; Mani ko be maqui pe ꜭoh yvahaual ꜫalel ahuchan, chinak la ꜭa tiraho chike? maqui pe oh camel xoh be ruꜭin Tepeuh, mani ꜭa kobe quecam; na ri xitakeh quitzih, kobe na ꜭa hiquibax chi ree Tepeuh; ꜭate kobe; xecha, xaꜭa cani xutakeh chinamit; cani xbe çamahel hiquibaay quichin chire Tepeuh; cani xquicot Tepeuh tok xraꜭaxah
