qui tzihol, xquicot navipe Cakchequele, Çoꜯil Tukuchee, xquicot ꜭa Ahꜯiquinahay; tok xe canay ka mama.
Caponibal chic vae panche Chiꜫohom.
55. Xe apon ꜭa chiri cachbilam chic quixhayil, quere bila xꜯet qui vach xquicot ronohel amaꜫ, tok xeapon chic. Cani ꜭa xehiꜯax xecam ri ꜫalel Xahii Ah ucham Xahil, ronohel tzih tok xecam.
56. Xeoc ꜭa chi ahauarem, Ahpop Xahil xux ri Caynoh, Ahpop ꜭamahay xux ri Caybaꜯ, e cay chi ahaua xeux humah tzih ok xeoc chi ahauarem.
57. Xe ꜭaholan xe mealan ꜭa, ri Caynoh, Caybaꜯ, e cahi xe ru ꜭaholah hun, e voo xe ruꜭaholah hunchic, e belehe chi achi xe qui ꜭaholah ri Caynoh, Caybaꜯ, xe re ꜭa quitzih tixibin qui puz qui naval ri ꜫaꜫavitz, Çactecauh, Caynoh, Caybaꜯ.
58. Ok xecha ꜭa ri Caynoh, Caybaꜯ: ti ꜯakattah ri kahauarem oh ru pixabam vi ka tata; que oc tah cay ka ꜭahol chi ahauarem, xecha. Tok xoc ꜭa hun ru ꜭahol ahauh Caynoh ahuchan Xahil rahauarem xux, xoc chic hun ruꜭahol ahauh Caybaꜯ, ꜫalel Xahil, rahauarem xux, quereꜭa cahi vi kahaual ri oh Xahila, xꜯakat cahauarem ka mama chiqui vach.
Xecam ꜭa ri Caynoh Caybaꜯ.
59. Xe ꜭa oquenak can ꜫalel Xahil, ahuchan Xahil, tok xecam ahaua. Cani ꜭa xoc chic quiꜭexel; he caca qui ꜭahol xeoc chi ahauarem, ahpop Xahil, ahuchan
