ronohel çivan tinamit, maquina xaruyon ꜭechevinak; xuban oxlahu ꜭhob chi ahlabal xkaçan amaꜫ, quere xꜫaꜫar vi ahauh ꜭikab ri.
72. Maqui ꜭa xe covin ree ꜭhakab ahaua he ka mama, ri mix kabijh can, xax qui meztah tzih, quere ri hoye vi ruvach Çoꜯil Tukuchee, ri xux, mani qui covil xhoyevatah ruvach vinak cuma, xqui chup ꜫaꜫal tepeval.
73. He ꜭa tan que ahauar ri Rahamun, Xiquitzal; he ꜭa tan queachihir ri ki e ka mama ri Huntoh, Vukubaꜯ, quibi, tan he ꜫaꜫalah achiha, he kitan que bano labal ruꜭin ahauh ꜭikab: ꜭa ꜭoh ok ꜭa ka mama Vukubaꜯ chiri Boꜫoiya; chiri ꜭa Xequiz chee tan ꜭoh vi Huntoh, qui mama nima abahi chiri tan que chahin vi el labal, tan ti tahin ꜫaꜫalah labal chiri pan Ah Chiholom, tan ti ꜫaꜫar ahauh Yꜭhal Amullac, rahaual Akahal vinak.
Haoc xeoc chi ahauar em vae.
74. Ꜭateꜭaok xeahauar ri ka mama ri Huntoh Vukubaꜯ, ꜭa e ꜭa ki xe ꜭamo ꜫaꜫal tepeual; xeoc na chi ahauarem ꜭa tan ok ti ꜫaꜫar ahauh ꜭikab, ꜭa hoye ok ruvach Çoꜯil Tukuchee.
75. Haꜭa ri ahauh Vukubaꜯ ka mama, Citan Tihax Cablah rubi ru tata; rixꜭaholam e ru mam ahauh Citan ꜭatu, ri Tihax Cablah. Xa xbiyin cahauarem ka mama chiquivach, xa vi e ru mam ahauh Caynoh, ahauh Citan ꜭatu, quereꜭa xoc vi chi ahauarem; ka mama ri cumal ahauh ꜭikab, ruꜭin ronohel ahaua nimak vinak humah chi ok xoc chi ahauarem ri ka mama Vukuaꜯ, Huntoh quibi xae cay chi ahaua.
