78. Ronohel ꜭa tinamit ri xquikaçah can Huntoh, Vukubaꜯ; ruꜭin ahauh ꜭikab, ꜭa laꜫabem ok tinamit Chiavar ok xquiban can ka mama.
Ru tiqueric ꜭa ꜭhaoh chirih ꜭikab vae.
79. Tok xtiquer ꜭa ꜭhaoh chirih ahauh ꜭikab, ruma ꜭeche vinak; xavi ru chinamital ahauh xyaco ꜭhaoh, xa xqiz ru chinamital ahauh chucohol nimak achij: tzukul richin maqui chi tah xhito ri alꜭahol xraho ꜭeche vinak; xa xrah rambey akan ruma ꜭeche vinak, xax maqui vi ꜭa xraho ahauh. He pokon re runa ahauh ri nimak achij, maqui xe ruya ri hitol quij. Quereꜭa xbe vi chiuh ahauh ri ruma ꜭeche vinak, xax qui chup qui ꜫaꜫal.
80. He ꜭa cay ru ꜭahol ahauh tan que ꜫaꜫar. Tatayac rubi hun, Ah Ytza rubi hunchic; Chituy, Quehnay qui bi cay chic, xavi e qui ꜭahol ahaua: he ꜭa xe rach qui chiih ꜭeche vinak ri, xtiho naek ꜭa chirichin ahauh cuma ru ꜭahol xax maqui chi vi ꜭa xeruya ri hitol qui; e pokon xeruna ri tzukul richin; quereꜭa xbe vi chirih ahauh ri cuma ru ꜭahol. Xax ruꜭin vi ꜭa ticako vi quivach chire qui tata, ri Tatayac Ah ytza, quibi, xax quihiꜫuh rahauarem ahauh, xquirayih ꜭa ru xit, ru puvak, ralabil ru vinak qui tata ; tok xu popoh ꜭa ru tzih ꜭeche vinak chiquih nimak achij tzukul richin ahauh; xeꜭiz cam conohel ru nabey tzukul richin ahauh.
81. Vaꜭa quibi cahaual nimak achije: Herech, Taꜫunun, Xhuꜯuy, Eventec, Açacot, Camachal qui bi. Kitzih ꜭi yatak cal qui ꜭahol, ri hutok ꜭhob, chi ahpopo. Mani chiꜭa xꜭuluben ahauh cuma ok xecam, tok xoquebex ꜭa cochoch ahpopo ruma achiha, xeꜭiz cam ahpopo cuma
