achiha, maqui ruchi ahauh; tan ꜭa ꜭoh ahauh chuvi tinamit Panpetak; cani ꜭa rachcamic ahauh xrah ux cuma achiha: ruꜭin navipe qui chij ruꜭahol ahauh xcoquebeh rochoch ahauh Panpetak; cani ꜭa xelahpe ahauh ꜭikab chique achiha. Quereꜭa xtzolih vi achiha ri Xahil ah popo, xeyaar chi camic; ꜭateꜭa ok xelah ahauh chique achiha, xutzihobeh ru xit ru puvak; xu yaꜭa cahauarem cah popol achiha, xuyacan ꜫaꜫal tepeval chique achiha: ruyoꜫ ru ꜭux ahauh ꜭikab chique ruꜭahol ytzel xquiban ri Tatayac, Ah ytza quibi. Quereꜭa xꜭam vi ahauarem ꜫaꜫal, cuma achiha ri humah chi amaꜫ, tok xya ri oxlahuh chi ahpop chi varabal, chu chij amaꜫ, xa nimak achij ki ru xe ꜭhaoh, ok xchup ꜫaꜫal ꜭiche ki vi ru chi can ahauh ꜭikab. Tok xꜭam ꜫaꜫal chi amaꜫ oher, yx ka ꜭahol; cani ꜭa xꜫil vinak alꜭahol, chu nimaxic ahauh ruma achiha, kitzih hoye ru vach ahauh xux, ꜭa hunam chivi naek ꜭa ru vach oxlahu ꜭhob chi ahlabal chiri, ok xvar ꜭhaoh chirih ahauh ruma ꜭeche vinak, ꜭa nakah ok ꜭa tutzin ꜭhaoh, ok xtiquer chic chiquih ka mama.
Ru xe chiꜭa ꜭhaoh vae.
82. Ok xtiquer chic ꜭhaoh chiquih ahaua Huntoh, Vukubaꜯ, Chuluc, Xitamal Queh, cahi chi ahaua vae. Xaꜭa yxok xyaco chic ꜭhaoh chivih Çoꜯil Tukuche, Nimapam Xcacauh rubi yxok, ki ru xe chic ꜭhaoh. Xa ah ꜭay vay yxok xbe pa tinamit ꜫumarcaah, xaꜭa xrah kup ru vay yxok ruma hun achij qui ꜭaꜭal ahaua ꜭiche: xa maqui xuya vay yxok chire ꜭaꜭal, xax heꜭ ka achij chi chee rumal yxok. Canih xrah hiꜯatah achi xrah cam rumal yxok Nimapan Xcacauh. Quereꜭa xyacatah vi ꜭhaoh ri rumal ꜭeche vinak; xataꜭa xcam ri yxok
