xraho ꜭeche vinak; xaꜭa maqui xya ri yxok chire ꜭeche vinak, chire ꜭa achiha cuma ka mama Huntoh Vukubaꜯ. Xe elahtah ahaua xraho ꜭeche vinak. Quere ta ri xuban ahauh ꜭikab xcaho achih: he ꜫaꜫ chic cani ꜭa xupopoh rutzih ꜭeche vinak xcha: Xape xtan tu ꜭam ꜫaꜫal tepeval chi Ahpoçoꜯil, chi Ahpoxahil, xa kamiçah, xax tanti ꜫaꜫar chi Huntoh chi Vukubaꜯ; xeucheex ꜭa ri ka mama ruma achiha: ꜭi xrah ꜭa rutih chic ahauh ꜭikab ru ꜫilic ru camic Çoꜯil Tukuche. Mani xaꜭaxan chic rutzih ahauh ruma ꜭeche vinak: Kitzih chiꜭoh ru ꜭux ahauh chire Huntoh Vukubaꜯ. Haruma ri kitzih chi nim ru naobal ꜭikab ꜭi naval ahauh. Maquina xaquere xꜫaꜫar ahauh, kitzih tixibin retamabal, ha ru ꜭuxlaam ri xepe vi pa Tullan. He ꜭa ri achiha, xa mani quetamabal, xae chu ꜫabom. Quere bila xquil ꜫaꜫal maqui xtakex chic rutzih ahauh cuma, quereꜭa qui yon tanti quiban labal tiquina.
Qui pixababal ꜭa qui ahaua vae.
83. Cani ꜭa xel pe ru çamahel ahauh takol ahaua, tok xhique rucamic Çoꜯil Tukuche, ruma ꜭeche vinak. Tok xepixabam quij ahaua chaꜫa, xcha ꜭa ri ahauh ꜭikab chique ahauh Huntoh Vukubaꜯ: Mani ru xe mani ru vi kalabal yvuquin, yxnuꜭahol; miꜭa xiꜯet mixban chuvichin: mixrayx valabil nu vinak nu xit nu pavak, quere chi Ꜭa xtiban chivichin. Co ꜭa chivichin, yxnuꜭahol, yxnuchaꜫ nu nimal. Xere vi pixaban ri vae: Mixutzin malo. Machuvak chipe tiban ꜫaꜫal tepeval vave, xere viri mixkaban yvuquin, chi toloba can tinamit chiquivach he ꜭhaol cunum cachak; maqui e aꜭaxa ytzih, yxnuꜭahol. Ꜭo huyu tilaꜫabeh pan Yximchee chuvi Raꜯamut Hay, tinamit tux, xa chiri ti ban vi bay vi ꜭoviçah chi pe
