87. Tok xahauar chiꜭa ahauh Lahuh Ah rubi, nabey ruꜭahol ahauh Huntoh.
88. Tok xahauar chiꜭa ri ahauh Oxlahuh ꜯij rubi, nabey ru ꜭahol ahauh Vukubaꜯ, he ꜭa belehe chi achij xe ru ꜭaholah ri ahauh ka mama Cibakihay; Ximox ru bi rixhayil ahauh Vukubaꜯ. Oxlahuh ꜯij ꜭa rubi ri nabey ru ꜭahol, ahauh Cablahuh Baꜯ ru bi rucam; Chopena Tohin ru bi, rox Chopena ꜯiquin uꜭa ru bi rucah, xetzak ꜭa pa labal ri e cay ka mama; Chopena Tohin xbe tzak Tucuru Cakixala rubi huyu xtzakvi; Panatacat, ꜭa xtzak vi Chopena ꜯiquin uꜭa; Chopena Queh rubi roo; Nima Ahin ru vakuk; Xavi Ahin rubi chic ruvak, Caok, ꜭatu quibi he cay chic, e ꜭa ꜫaꜫalah achiha ree ronohel ka mama.
89. Ha ꜭa ri ahauh ka mama Oxlahuh ꜯij, quere navipe ri Lahuhah, kitzih tixibin que achihir, tixibin ꜭa quetamabal xa maqui meztah rutzih qui tata qui mama. Xavi xcuker chican ruꜭux alꜭahol ok xeoc chi ahauarem; xaui xere chican ꜫaꜫal tepeval xquiban chic ahaua; ꜭiy chi navipe nimak labal xquiban xcam chiꜭa ahauh Lahuhah. Ok xoc chic ahauh Cablahuh Tihax rubi, nabey ru ꜭahol ahauh Lahuhah, xavi ha ahauh Oxlahuh ꜯij tan tahauar ok xahauar chic Cablahuh Tihax: xavi xere qui ꜫaꜫal ahaua xux chican, xaꜭa ki ru camic ꜭikab, ri naual ahauh chila ꜭechee, ok xutih chic labal ꜭeche vinak chirih Cakchequel vinak. Ha ꜭatan que ahauar ꜭiche ri Tepepul, Yztayul quibi, tok xtzain chic ru ꜭux ꜭeche vinak chiri tinamit chi Yximchee. Ki ꜭa tan nima vayhal tok xban xax ka nima teuh xcamiçan avan pan Uchum, xyaar avan ruma teuh, quereꜭa xçach vi echa ri, que cha ri y mama,
