yxnuꜭahol. Ok xu ꜭam ka ꜭeche vinak, xaꜭa hun achi, anom xel Cakxiquel xapon ꜭeche ha, xaponiçan ru tzihol vayhal ꜭichee, ꜭi xcha achij: kitzih tan nima vayh, mani tuꜭhih chic vinak ruma vaihal, ꜭi xcha tok xapon ꜭichee. Ꜭi quereꜭa xhique vi ru camiçaxic Cakchiquel ri ruma ꜭeche vinak camel chu ꜭux.
Ru petebal vae.
90. Tok xpe ꜭa xubok pe ri pa tinamit ꜫumarcaah, xꜭiz pe ronohel ahaua; xpe ꜭa qui ꜭabouil ri Tohohil; humah ꜭa ronohel achiha xpeul; maqui ahilam chi vinak, maqui xa hu chuvy, ca chuvy xpe, xul ꜭa chi amaꜫ, chiri ꜭuꜭum ah vi ul xpopon vi ul chiri, ok xvikon ꜭa chi ꜭha, chi pocob, chi tooh, chi tunatiuh, ꜫuꜫ, chi tunatiuh ꜭubul, chi ꜭalvach puak abah, ca utal ok xpeul chiri.
91. Ha ꜭa chi lahuh ꜯij, rucam ka ꜭeche vinak chi Yximchee, ꜭi mani ꜭa ru tzihol cuꜭin ka mama Oxlahuh ꜯij, ha Cablahuh Tihax, ok xpeul ꜭechevinak, camicay richin Çoꜯil Tukuchee. Xaꜭa anom achij xkaçan pe, rutzihol camic ruꜭin ahaua; cabih tibin camic, mixꜭizpe ronohel ꜭeche vinak, camiçay richin vinak tinamit, xtoquebex, kitzih tixibin mixpeul, maqui xa hu chuvy ca chuvy achiha, xcha ri achi anom ok xul Cakchiquel. Cani ꜭa xepopon ahaua xecha: xaha rutaon, utz mixpe xti katih ki ruꜭin ꜭiche vinak, xecha ahaua. Cani ꜭa xel camol bey, xel ꜭa hu ꜭhob achiha ramonel chirih ꜭeche vinak, xramatah vi xaꜭa ruyon ah tinamit xꜭulelaan, ri xkape pa nima bey chuvi huyu ꜭat beya qui, xuꜭulelaah ꜭa ru ꜭulel Ah Tibaꜭoy, Ah Raxakan,
