xavi ꜭa xu ꜯapihel ru bey Ah ꜫaleah, Ah Paçaki uleuh, Ah ꜫinoma.
92. Tok xucavuh ꜭa ri achiha chi ꜭhaa, chi pocob, chi tooh xaꜯelavachim chic ok xkaul.
Ru camibal ꜭa ꜭiche vinak.
93. Ki ꜭa pacac ru xe cah xkah pe chuvi huyu, cani ꜭa xboz ciꜭ yuyub, cani navipe xpae ru lakam, xꜫahan ꜭa çubak, ꜭhabi tun, xivac. Kitzih ti xibin ok xka pe ꜭeche vinak. hucumah xka pe chi ꜭotoh, xmukutah yan ri ꜭotoh, xka chipe xe huyu, ki na ꜭa xul chu chi ya, celahay ya, xavi ꜭa tzekel pe ahauh Tepepul Yztayul, xavi rachbilam pe ru ꜭabouil. Tok xpe ꜭa ul ri ramonel chirih, kitzih tixibin ok xpe ul, cani xꜫahan ciꜭ yuyuh, çubak, ꜭhabitun, xivac, xuꜭut ru puz, ru naval achiha: cani ꜭa xu cahmah ꜭechevinak, mani chic xꜭulelaan, cani xpaxin rij xyaar chi camic ꜭechevinak, maqui ahilam xcam. Quereꜭa xꜭace xtelecheex xquiya quij, ahaua Tepepul Yztayul xuya ri qui ꜭabouil. Quereꜭa ru ꜫalel achij, rahpop achi ru mam ru ꜭahol ahauh ahxit ahpuvak, ahꜯib, ahꜭot, ronohel achiha, kitzih xyaar chicamic, mahilam maqui xahu chuvy, ca chuvy chi ꜭeche vinak xu cam ka Cakchiquel, oher, quecha ka tata ka mama, yxnuꜭahol; haꜭa ahauh Oxlahuh ꜯij, Cablahuh Tihax he navipe Vooymox, Rokelbaꜯin xebano maquina xaquere xꜫaꜫar huyu chi Yximchee.
