Ru camibal chic ahauh Yꜭhal vae (Amolac, Lahuh Moh, Chicumcuat).
94. Ꜭatan ru laꜫabem ok Akahal vinak ri chuvi tinamit chi Holoni ꜫuꜫu huyu ꜭaxꜭan haꜭa tan tahauar ri Yꜭhal Amolac, xaꜭaxbe boy chij xka ruma qui çamahel ahaua Oxlahuh ꜯij, Cablahuh Tihax, xucheex: Ti pe tah rachihilal ahauh vican nu mama, ka hunamah chic ka ꜭha, ka pocob ruꜭin, ha ri ꜭeche vinak mixrah nu tih chic labal chirih nu civan nu tinamit, mi ꜭa xnuban richin chi ꜭeche vinak; ka tiha chi ꜭa labal ruꜭin, ti ꜭiz pe ul rachihilal ahauh, xucheex tok xboy chiix Yꜭhal. Cani ꜭa xhique ru ꜭux ahauh: Utzan chirichin Ahpoçoꜯil, Ahpoxahil, tiꜭil vachihilal tiꜭiz be ronohel vachihilal, yn ꜭa nun quibe, tibe vetamahel huyu Cakchiquel, tibe kabanael labal cuꜭin vicaꜫ nu mam, cani xcha ahauh Yꜭhal chique çamahal.
95. Cani ꜭa xequicot ahaua tok xel pe ru tzihol ahauh Yꜭhal, cani xquipopoh quitzih ahaua chirih Yꜭhal: Utz mixpe cani ti ka chup ru vach maqui ti keleçah chic kivi ꜭaxtoꜭ chi Yꜭhal, xecha ahaua cani xhique ru camic cuma ka mama — Hunahpuꜯian, Nimaçahay, Ahciꜭahuh, ꜭhooc Tacatic, ꜯimahi Piaculcan, Xumak Cham, xcak vachitah ruma ulamach puvaka, raponic xehuna cauh.
96. Tok xpe ꜭa ul ahauh Yꜭhal, tzatz rachihilal xpe naual ahauh ꜭa ri Yꜭhal, xcha can ru pixa chi rochoch: Vue quinul vue maqui chic quinul, vue yn camel; vae xquibe xcha can ahauh. Ok xpe ul cani xuna ahauh, ki ꜭa tel pe çakliꜭahol ri ahauh; tok xuna, xcha: Tiꜯeta
