na ꜯak, chun çakcab quixbanon quix vikon baka ki xbiçah ki chuvach Çoꜯil Tukuchee, xcha chique rachihilal. Quereꜭa ok xtzolih ꜭhakap ru hay ru chinamit, tok relic chic ahauh lahuh Noh.
97. Xa ꜭa ꜭelavachiym chic ok xul pa tinamit chi Yximchee, hiquilibem chic ru camic, banoninak chic achiha tok xul; pan pop ꜭa xtakevi ok xul; xaki xrulibeh tok xcam ahauh ruꜭin ronohel rachihilal: xchapol richin ri yacol cuꜭi ya, tok xoc apon, xe yaar chicamic Akahal vinak. Quereꜭa rucamic Yꜭhal Amolac ri chi Yximchee. Vaꜭa quibi rachihilale, ri xecam ruꜭin, he nimak achiha: Çoroch, Hukahic, Tameltoh, Huvarahbix, Vailꜭahol, queucheex, he ꜫaꜫalah tak achiha, ꜭiy ꜭa chubinem achiha xcam. Quereꜭa rukahic tinamit chi Holom, ri ꜭiy ꜭa ꜭovi Akahal vinak chuvi tinamit, ꜭaxꜭan, Ralabal Yꜭ, ꜫuꜫuhuyu, Vukuçivan. Xavi ꜭax ꜭiz cam chic ri ronohel tinamit cuma ahaua Oxlahuh ꜯiy, Cablahuh Tihax, xrah ꜭa ru laꜫabeh chic, Xerahapit, ru kaxba chi chic Akahal vinak, ꜭa chiri ꜭa xtoꜫe vi ru camic.
Ru camibal chic Caoke vae.
98. Paraxtunya, Beleheꜫih rubi ahauh. Xax rachꜭul chijh ahauh Voo Caok, Ahꜯiquinahay; xa xuçolrih labal Caoke, labal ru ꜭux. Cani xuban ru ꜭoxtun ru ꜭotoh, ꜫaꜫal chic xraho ahauh Belehe ꜫih: tok xecha ꜭa ahaua Oxlahuh ꜯij, Cablahuh Tihax, ok xaꜭa xax ru tzihol qui çolbol labal: ki vi pe chi ytzel ru ꜭux chi Ahꜯiquinahay chi Belehe ꜫih, tan qui ru çol chuvih chi
