xquina; quereꜭa kitzih xibin ri quichin ahaua xuna Cay Hunahpu xax maqui chivi xraho xꜫil.
101. Tok xꜭhique ꜭa ꜫih xbanvi yuhuh ruma ahauh Cay Hunahpu, ha chi hulahuh Ah xban yuhuh: tok xuhuruh ꜭa el rij Tukuchee pa tinamit ꜭhaka ya xbe ti ꜭe vi el ronohel ꜭa rachihilal Tukuchee, xoquiben tinamit; maqui ꜭa xcaho rachihilal ahauh Cablahuh Tihax Oxlahuh ꜯij; xa hu ꜭhob achiha xchaꜫobem quitzih ahaua ah Xechipeken, rahpop achi Cinahitoh ru bi achi tan tachihir chiri Xechipeken.
Ru camibal Tukuchee va kitzih xyaar chi camic.
102. Ki ꜭa ti pacatah ru xecah chi hulahuh Ah xboz pe Tukuchee ꜭhaka tinamit, cani xꜫahan ru çubak, ru ꜭhabi tun ahauh Cay Hunahpu, vikital chi tooh, chi tunatiuh ꜫuꜫ, chi tunatiuh ꜭubul, chi ꜭalvach puak abah. Ok xboz pe ꜭhaka ya, kitzih tixibin maqui ahilam chi Tukuchee, mani xahu chuvy, ca chuvy. Tok xtiquer ꜭa tzaloh chuvach tinamit tzam ꜫam, xꜭulu vi ri labal haꜭa Chucuybaꜯin ꜭamol yuhuh cuma Tukuchee; xaꜭa e cahi chi yxoki xevik chi achcayupil qui ꜭha xquiꜭexevachibeh labal, hunelic rucahichal ral; qui ꜭha xoc chuva ru pop Chucuybaꜯin ruma achiha: tixibin chi nima yuhuh xquiban ahaua oher; ha ꜭamol tzaloh ꜭate xquiꜭut chic qui tiohil yxoki chuvach pa Çoꜯil pa Xahil ꜯak xeel vi yxoki; kina xeel pe chiri tok xboz chiꜭa hu ꜭhob pa nima bey chi nima ꜭotoh, ruyon ꜭa achiha ri ah Tibaꜭoy, ah Raxakan hucumah
