ꜭa xpaxel ri pa nima bey; xa cay xutzak can ri ok xpaxel, haꜭa ri xka ul ꜭhaka tinamit xyaloh tzaloh, haꜭa xramon ri rahpop achi Cinahitoh ah Xechipeken.
103. Tok xpe ꜭa ramonel chirih Tukuchee, cani ꜭa xucahmah mani chic xꜭulelaan canih xpaxin rij, xyaar achiha, xyaar yxok aqual chi camic, xuyari ahauh Cay Hunahpu, xuya ꜭa ri ahauh ꜯiriniyu, Toxꜭom Noh, ronohel ꜭa ru mam ahauh ru ꜭahol ahauh. Caniꜭa xbe ꜭeche ri Ah Tibaꜭoy, Ah Raxakan, xbe ꜭa ꜯutuhil ꜭhakap, xhito ꜭa ri ronohel chucochol alꜭahol, xpaxin ri ronohel. Queraꜭa tok xyaar Tukuchee ri oher, yxnuꜭahol, heꜭa ka maa Oxlahuhꜯij, Cablahuh Tihax xebano, chi hulahuh Ah, ꜭa xban xpax Tukuchee.
104. Ru hulahu vinak ok ꜭa tiban yuhuh, ok xrah cam chic Ah Tibaꜭoy, ruma ꜭechevinak, haok xbe tiqeel Tukuchee Chiavar, xyaar ꜭeche vinak chi camic chiri, xtzak can Yaxon ꜯui ru bi, chi belehe Caok.
105. Ru vaklahu vinak, ok tiban yuhuh, xcam chic Cinahitoh, xax rah rumah ahauh atzih vinak Ahmoxnay, xa ruyon chi Chinahitoh xax rah yꜭo ru ꜫaꜫal chi qui vi ahaua, quereꜭa xyaar vi Cinahitoh ri ꜭiy chubinem achiha xcam pa tinamit chi hulahuh Can xban.
106. Xlauheh oktel huna yuhuh xhiꜯax chic ahauh atzih vinak Ahmoxnay, chi hulahuh Akbal, xa xuhaeh coboyel ahaua, ha xcam ri ahauh.
