119. Chupam huna xoc chic labal chuvach ꜭichevinak, chi vahxaki ꜫanel xoc ꜭam ꜭeche, tantahauar Hunyꜫ ka mama tan ꜭa nima rahpop achi ymama chiri ok xoc labal ꜭechee, yxnuꜭahol, heꜭa ki xebano chic labal ꜭiche ri y mama rahpop Achi Balam, rahpop achi Yꜫich, ru ꜫalel achi ꜭatu, ꜭiya camic ꜭeche vinak cuma; maquina xaquere xeꜫaꜫar ka tata ka mama.
Chi cablahuh Ah, xel ru vuklauha ru banic yuhuh.
Chi belehe Ah, xel chic vahxaklauha yuhuh.
120. Chupam chiꜭa huna ok xeyꜭo chicop, xche chel ut, quere ri e ute chi oxi Caok xeyꜭo oher pa tinamit chi Yximchee, kitzih tixibin chi chicop.
121. Ꜭa vo vinak ok ꜭa que yꜭo xche chel ut, ok xeiꜭo chiꜭa çaꜭ: chi cay Yꜫ xeyꜭo pa tinamit kitzih, que xibin chi çaꜭ xeyꜭo oher.
122. Xa ru beleh vinak chic ok xꜭat chi Yximchee, chi cahi Camey xyaar tinamit chi ꜫaꜫ. Tan mani ahauh Hunyꜫ ka mama, tan ꜭo ka ꜭhaka ya, tane mani ka tata ka mama ok xꜭat tinamit xka ꜯet ronohel ri, yxnuꜭahol.
Chi vahxaki Ah xel beleh lauha yuhuh.
123. Chupam ꜭa huna ok xcam ꜭeche vinak pa Çoꜯil ya cuma y mama; ꜭiy nimak achiha xuyari, ok xquiban labal chiri.
