Quibi y mama vae xeruꜭaholah ahauh.
131. Rahpop achi Balam, rubi, nabey ruꜭahol ahauh Hunyꜫ, ha ki tanti ꜫaꜫar chi quivach ahaua, ok xpe nima camic ꜭhac.
132. Ahmak rubi rucam al, ha ruꜭahol can ri Don Pedro Solis. Tohin ꜭa rox al, mani retal ri he ꜭa xecam ruꜭin ahauh ri e oxi ka tata.
133. Kanaka tata Francisco rahpop achi ꜯian rucahal.
134. Balam voo al, mani ꜭa retal ri.
135. Ahꜯalam Hunahpu ru vakak al, he ꜭa xecolotah chic ri he oxi ka tata ruma ꜭhac; ꜭaoh ok, ok ꜭa ꜭhutik konohel cuꜭin ok xoh canah, xka ꜯet ꜭa ronohel ri yavabil, ix nuꜭahol; ha ꜭa ri rubi ka tit; nabey rixhayil ahauh Hunyꜫ, Chuvyꜯut ru bi xoꜫohauh, he oxi xerelah, ha ri ka tata, heꜭa ri ru tata Don Pedro Solis, mani ꜭa ru ꜭahol rij Tohin: xcam ꜭari xoꜫohauh Chuvy ꜯut, xoc chipe xoꜫohauh Xꜫekaꜭuch Aꜯiquinahay, ha quite rahpop achi ꜯian Balam, xa e cay ral.
136. Ꜭa vo vinak ok ꜭa quecam ahaua Hunyꜫ Lahuhnoh, ok xechap chic ahaua Cahi Ymox Beleheꜭat, chi hun Can; xaꜭa hun chioc ri Beleheꜭat xcolotah, xaꜭa kayon chicoc aꜭuala mani hunchic ka tata xcolotah, ꜭa e ok ꜭhutik ri ꜯian Balam, ri ki ok retal ahauh Hunyꜫ. Quereꜭa xahauar vi Beleheꜭat rij, xa huna ꜫalel ꜭamahay; chioc xꜭhao rahauarem maqui ꜭa xrah raho ahauh atzih vinak Baꜭahol: vo quic chi ahauarem ri Beleheꜭat;
