çamahel Tunatiuh chique ahaua. Cani ꜭa xtakex ru tzih Tunatiuh, ok xbe ꜭa vomuꜭh achiha camiçay richin ꜭechevinak, xaꜭa ruyon ahtinamit xbe maqui xcaho achiha conohel chique ahaua, xaꜭa oxmul xbe achiha, xoc patan ruma ꜭeche vinak, oh ꜭa xoh be ꜭamo richin Tunatiuh, yxnuꜭahol.
Haok ki xul chi Yximche vae.
148. Ha ꜭa chi hun Hunahpu, toki xul Castilan vinak pa tinamit chi Yximchee, Tunatiuh ru bi cahaval; cani ꜭa xbe ꜭulel Tunatiuh cuma ahaua Beleheꜭat, cahi Ymox. Utz ꜭa ru ꜭux Tunatiuh chique ahaua toki xul pa tinamit, mani labal, xati quicot Tunatiuh ok ki xul chi Yximchee. Quereꜭa tok xul Castilan vinak ri oher, yxnuꜭahol, kitzih tixibin ok xeul, mani etaam vi quivach, he ꜭabouil xe quina ahaua. Xka na ꜭa oh ytata, oh kixoh ꜯeto culic chi Yximchee chupam Tzupam hay xvar vi Tunatiuh; chuca ꜫih ꜭa xvachiꜭ ahauh, tixibin chi achiha, xul ruꜭin pa ru varam xe ru tak ꜭa ahaua: Nak ruma xtiban labal vuꜭin ꜭo pe tan tin ban chive, xcha. Maquian, quere xa rumal ꜭiya achiha caminak, vave heꜭa mixe a ꜯet vae pa hul ꜭo vi qui niꜭahal, xecha ahaua, quere ꜭatok xoc pa rochoch ahauh ꜭhicbal ri.
149. Caniꜭa labal xuꜭutuh Tunatiuh chique ahaua, xecha ꜭa ahaua: cay ꜭovi nu labal ꜯutuhil, Panatacat, at ꜭabouil, xucheex ꜭa cuma ahaua. Xaꜭa hunobix xiꜭo rubana Tunatiuh pa tinamit; tok xcam ꜯutuhile ruma Castilan vinak, ha chi vuku Camey xcamiçax ꜯutuhile ruma Tunatiuh.
