Roquebal ꜭa patan vae.
162. Xvolahuvinak ok ti ꜭutun Chij xot, ok xoc patan chuvach capitan cuma ꜭhinta Queh, vove chuvi Tzolola chi vakaki ꜯi ꜭa xoc patan, haok xalax nu ꜭahol Diego Pabo Cotanoh ꜭovi, ok xatalax chi vakaki ꜯij, at nuꜭahol, haok xtiquer chic patanihic; huley chivi chi pokon xkaꜭam chic, xkacolah can ri labal. Camul ki chi nimak chi camic xkaban.
Chi vakaki Ah, xel humay cablauha yuhuh.
163. Xvahxak vinak ok ru caba, toe patan ok xcam ahauh Ahtun Cue Tihax, chi vakaki Akbal xcam. Xavi ꜭa maha que ꜭutun ahaua Ahpopçoꜯil, Ahpopxahil chiri.
Chi oxi Ah, xel humay oxlauha.
164. Chupam huna ok xeꜭutun chic ahaua, ahpop Çoꜯil ahpop Xahil, chuvach Tunatiuh, cahvinak ruvaka xquiban ahaua xe chee xeꜭam, maqui ꜭa xax cutzih ahaua xeba, ꜭhiꜭh tal quiꜭamic ruma Tunatiuh, xax ꜭatun qui tzihol ahaua chuvach Tunatiuh. Ha ꜭa chi vuku Ahmak xebokotah el ahaua, xeapon Paruyaal Chay, tzatz chi ahaua xcuchu ri ronohel ꜭa ru mam ahauh, ru ꜭahol ahauh, xbe tzatz chi vinak cachbiyil ahaua. Chi vahxaki Noh ꜭa xeapon Panchoy, xaꜭa tiquicot Tunatiuh chique ahaua, tok xꜯet chic quivach ruma Tunatiuh.
Chi oxlahuh Ah xel humay cahlauha yuhuh.
