ꜯapal ꜭa ruchi ri Tullan, xoh pe vi xahun chi çoꜯ ꜯapibal ru chij ri Tullan xoh alax vi ul xoh ꜭaholax vipe, xya vipe ri kikan chi ꜫekum chi aꜫa, yx kaꜭahol; xecha can ri ꜫaꜫavitz, Çactecauh, yxnuꜭahol, xaꜭa mani xquimeztah ru tzihoxic. He ꜭiyaley chi e ka mama; ꜭoh quitzih oher takchibal ꜭa quichin vae.
6. Tok xoh pixabax ꜭa pe ruma ka tee ka tata oxlahu ꜭhob ꜭa vukamaꜫ oxlahu ꜭhob ꜭa ahlabal ok xohpe pa Tullan chi ꜫekum chi aꜫa ok xya pe ri kikan, tok xuꜭam rikan vuk amaꜫ ahlabal, xoh chole na chu xocou ꜭa Tullan xꜭohe viri vuk amaꜫ: chirikiꜫa ꜭa Tullan xꜭohe viri xcholevi ahlabal. Nabey na xuꜭam rikan vuk amaꜫ, ꜭate ꜭa xuꜭam chic rikan ahlabal, Xaꜭa ruyon xit puak ꜫuꜫuraxon ꜭubul chactit ruꜭin ꜭa ꜯibanic ꜭotonic, qui yanic xul, bix, ꜭhol ꜫih, may ꜫih, pek cacouh, xa ruyon ꜫinomal xrikah pe pa Tullan aꜭa ri ahlabal xa ruyon ꜭha pocob xa çeteçic chee xa ꜫiom ah rikan ok xpe pa Tulla.
7. Tok xpixa ꜭa ka tee ka tata xcha: ꜭa ohix ꜭa, yxnuꜭahol, yxnumeal, ree yvikan ree ꜭa y tzukuh yꜫohee; xucheex ꜭari chay abah: ohix ꜭa ti vi la y huyubal y taꜫahal ꜭa chila ꜭa ꜭhaka palouh ꜭoh vi y huyubal y taꜫahal, yxnuꜭahol, ꜭa chila ꜭa tiça vi ruvach. Ree yvikan mixuyael, y ꜫinomal y vahauarem, xeucheex ꜭa ri oxlahu ꜭhob vukamaꜫ, oxlahu ꜭhob ahlabal, ok xyape ri miꜭhbal quichin ri chee abah, xqui kahpe pa Tullan Xibalbay ꜭa xyaope ri chee abah, chikichin que cha ri he nabey ka tata ka mama, ri ꜫaꜫavitz Çactecauh: he ki xe ykan pe, he navipe ki ꜭo quitzih.
