Tucuru xquiz, yape ronohel ri. Tok xpe chi ꜭari oxlahuh chi ahlabal ri oh Bacah Pokoh, Bacah Xahil: hun xnabeyah, hunꜭa x xambeyah chikichin ri oh ru nabey Bacah, Bacah Pok ꜭa nabey xpe, oh ꜭa xambey xoh pe ri oh Bacah Xahil, que cha ri e ka tata, ka mama, yxkaꜭahol. Xmier ok ꜭa ti pe vuk amaꜫ xmier ok ꜭa ti tiquer rupetic ahlabal. — Tok xohpe ꜭa oh Cakchequel vinak, kitzih vi chi xambey chic xoh peul pa Tullan, mani hunchic ꜭo can ok xoh pe, que cha ri ꜫaꜫavitz, Çactecauh, xoh pixabax chi pe: He ree ahay a chinamit he, que ucheex ꜭari ꜫekaꜭuch, Baꜭahol, Cibakihay. Ree ꜭa yvahpop he, hun ahpop, hun ꜭa ahpoꜭamahay, chiquichin ree xeucheex ꜭa ri ꜫekaꜭuch, Baꜭahol, Cibakihay. Yx ꜭa quixalan, quixꜭaholan, quichin yxquixꜭulu, yvahpop, xeucheex. Quereꜭa he tee, he nam vi ri. Haꜭa nabey, haꜭa nabey xpe ri Cibakihay ok xpe ꜭari Baꜭahol, xpe chi ꜭa ꜫekaꜭuch nabey xepe chinamit.
11. Ꜭateꜭa ok xoh pe oh ahpop tok xoh pixabax chiꜭa pe ruma katee ka tata: ohix ꜭa, yxnumeal, yxnuꜭahol, mixebe a hay a chinamit. Maqui xaquere xcat xambeyah, atꜭhipil al; kitzih nim a ꜫih tux re ꜭa a tzuku hee xucheex pe ri chee abah Belehe Toh ru bi; ri abah Huntihax chi ꜭa ru bi hunchic, huhunti vikah xoh ucheex pe, quecha.
12. Re ꜭa ti voqueçah e ꜭha, pocob, achcayupil, ꜭuꜭum, çahcab rach yaic ꜭaperi ꜫavonon, ꜫaçital, xoꜫol, ꜫekal, hab, çuꜭ, moyeuh, ok xoh pixabax pe ree: kitzih nim xtivikah; mani quix var vi, quix ꜭhacatah vi, mani quix yeꜫetah vi, yxnuꜭahol, ha quix ꜫaꜫar quix tepevar vi, hati ꜭohe vi y vux la ree çeteçic chee ꜫiomah, ꜭha,
