15. Ok xoh ul ꜭa chu chi palouh. Xaꜭa eꜭoh chi ri xaꜭa e mulan conohel amaꜫ ahlabal chi palouh; ok xekil xatak ꜭiçinak quiꜭux. Mani tan ti qui ꜭovibeh pe, mani tucheex yꜭovem pe chuvi palouh, xecha ꜭa ri conohel ahlabal vuk amaꜫ chikichin; chinak koh u cheen, chinak tikiꜭovibeh, at kachaꜫ, xa at chic at koyobem, xecha conohel. Xoh cha ꜭa chique: Yx quixbe, chijl, yx kanabeyal; chinak tik iꜭovibeh, oh an vae, konohel xoh cha, ꜭateꜭa xe cha chic conohel: ta hoyevah kavach, atkachaꜫ, xa vipe koteꜫe vave chu chiya palouh, mahatikil ka huyubal ka taꜫahal. Xape cani xkovar, xko ꜭhacatah oh cay chial, oh ru vi oh ru holom oh runabey ahlabal vuk amaꜫ, at nu chaꜫ, vueta xko yꜭo cani tikaꜯet ru vach kikan mix yape rumal ka tee ka tata, at nuchaꜫ. Xcha ꜭari. Xeboço ꜭechevinak, chikichin quecha ri ꜯa mama ꜫaꜫavitz, Çactecauh; xoh cha ꜭa chique: katiha na, yx ka nimal; maxa vi pe xkoꜭohe xkoteꜫe vave chuchij palouh, maqui pe mahatikil ka huyubal ꜭoh ꜭa tucheex xtiꜯet, yxahlabal, yx vuk amaꜫ, xkahiꜭo vacami, xoh cha. Cani ꜭa xe quicot conohel.
16. Xaꜭa hun chi caka chee ka ꜭhamey ok xoh pe xiꜭo kaꜭamape chu chi Tullan, quereꜭa ka binaam vi Cakchiquel vinak ri, yxkaꜭahol, quecha can ri ꜫaꜫavitz, Çactecauh. Xaꜭa ru xe ka ꜭhamey xutoꜫbeh oc çanayi chupam palouh; caniꜭa xꜭok pi tah palouh ruma çanayi, haxi ꜭatzin viri cakachee xkaꜭampe chu chii Tullan. Xa chuvi cholo chic çanayi xoh iꜭo vipe; haok xꜫahar can ru xe palouh ru vi palouh. Cani ꜭa xequicot conohel, ok xꜭiꜯet çanayi chupam palouh, cani ꜭa xepixaban quij, ꜭa chi la ko oyobem vi ki, chuvi nabey huyu, chiri komolo viki, xe cha, xaviꜭa xere ka cholanem ok xohpe pa Tullan.
