que cha ꜭa ok xeilitah: Maqui koh acamiçah, at ahauh, xa kohikan a tem a ꜭhacat; xecha, halal oc quikan, xahuhun chi ꜭhabitun cuꜭaam; xe tzolih chipe, xquitzak chi can hun ru tzuyil, qui tzara chiri xepax vi, quereꜭa xubinah vi huyu Tzaktzuy, ri retal xꜭamvi Ahquehay, heri nabey qui tata qui mama xeboço Ahquehayi. Yncheel ruꜭamic vue, quixcha, ꜭohe rubi huyu. Xeꜭam vi ri ꜭhakap chinamit, yxkaꜭahol, quere can kitzih he nabey ka tata ka mama xoh boz vi xoh vinakir vi, oh Cakchiquel vinak.
28. Ok xeꜭulu chi ꜭa qui chuvi huyu Oronic Cakhay, xul chic ronohel vuk ama£ ahlabal. Xcha ꜭari ꜫaꜫavitz, Çactecauh chirichin Qeche vinak: koh iꜭo pa huyu konohel, ka ꜭhaca ru ꜫih ronohel vuk amaꜫ Tecpan, ka ꜯumah chiqui ꜭux; at catahilan can quivach, cat pa e can chuvi Cakay, yn ꜭa quinoc chupam huyu Cakay, yn quiꜭhaco quichin, ti ꜯumah chi qui ꜭux, chupam huyu ba ꜭo vi ti ꜭhacatah, baꜭovi maqui ti ꜭhacatah; xe cha ꜭa, ok xcam quitzih, xꜭoh pa Cakhay, ok xtiquer riꜭovic ronohel, chiri ꜭa chupam huyu xꜯumax vi chi qui ꜭux. Ok xuna ꜭa ri ꜭul ya, ꜭul chahom, maqui xiꜭo chupam huyu. Xcha: At ahau, xa tin ya queh cab chi vichin, yn ahqueh, yn ahcab quinux, maqui quin iꜭo, xcha ri yuquite chahom. Quereꜭa xrelahih vi queh cab, yuquite chahom ri. Xeel chi ꜭa chiri xeyꜭo chipe chuvi, Tunacoꜯih ꜫahinak abah. Chiriꜭa xquitih vi qui ꜭhabi tun Loch Xet, xacoꜯiham qui tun, quereꜭa xubinaah vican huyu Tunacoꜯih ri.
