261
town were striving for it. I cou'd ha' seld twice as muckle at the same price."
"Ye had need to be weel paid for it," said Sandy Johnstone's mother, "for I fear ye had but sma' qnantity to sell."
"We never had sae muckle in ae week before," said Grizzy; "for you see," continued she, "the milk used aye to sour before it had stood half its time; but noo the milk dishes are a' sae clean, that it keeps sweet to the last."
"And dinna ye think muckle o' the fash?" said Mrs Smith.
"I thought muckle o't at first," returned Grizzy; "but when I got into the way o't, I fand it nae trouble at a'."
"But how do ye find time to get thro' sae muckle wark?" said the widow Johnstone.
"I never," answered Grizzy, "got thro' my wark sae easy in my life;—for ye see Mrs Mason has just a set time for ilka turn; so that folk are never rinning in ane anithers gait; and every thing is set
