 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|The Poetical Works of Gavin Douglas, 1874 - Volume 2.djvu/17}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
The Proloug of the First Buik of Eneados.
Laude, honor, prasingis, thankis infynite
To the, and thi dulce ornate fresch endite,
Mast reuerend Virgill, of Latyne poetis prince,
Gemme of ingine and fluide of eloquence,
Thow peirles perle, patroun of poetrie,
Rois, register, palme, laurer and glory,
Chosin cherbukle, cheif flour and cedir tree,
Lanterne, leidsterne, mirrour, and a per se,
Master of masteris, sweit sours and springand well,
Wyde quhar our all ringis thi hevinle bell;
I mene thi crafy werks curious,
Sa quik, lusty, and mast sentencious,
Plesable, perfyte, and felable in all degre,
As quha the mater held to foir thar ee;
In euery volume quhilk the list do write,
Surmonting fer all wther maneir endite,
Lyk as the rois in June with hir sueit smell
The marygulde or dasy doith excell.
Quhy suld I than, with dull forhede and wane,
With ruide engine and barrand emptive brane,
