388
Song.
He courted me in parlour, and he courted me in ha',
He courted me by Bothwell banks, amang the flowers sae sma',
He courted me wi' pearlins, wi' ribbons, and wi' rings,
He courted me wi' laces, and wi' mony mair braw things;
But O he courted best o' a' wi' his black blythesome ee,
Whilk wi' a gleam o' witcherie cuist glaumour over me.
We hied thegither to the Fair—I rade ahint my joe,
I fand hisheart leap up and doun, while mine beat faint and low;
He turn'd his rosy cheek about, and then, ere I could trow,
The widdifu' o' wickedness took arles o' my mou!
Syne, when I feigned to be sair fleyed, sae pawkily as he
Bann'd the auld mare for missing fit, and thrawin him ajee.
