wylt be payd And by cauſe that I am now hongry / I ſhalle ete the / and the vylayne anſuerd and ſayd / For to haue done wel / thow wylt ete and deuoure me / And as they ſtryued to gyder / the foxe whiche was within the foreſt herd wel theyr queſtion and different came to them / and ſayd in this manere / Stryue ye no more to gyder / For I wyll acord / and make pees bytwixt you Late eche of yow telle to me his reaſon for to wete / whiche of yow hath ryght / And whanne eche of them had told his caas the foxe ſayd to the vylayne / Shewe thow to me / how thow boundeſt the dragon / to thende / that I may gyue therof a trewe and lawfull ſentence / And the vylayne put the dragon vpon his aſſe / and bound hym as he had done before / And the fox demaunded of the dragon / helde he thenne the ſo faſt bounden / as he dothe now / And the dragon anſuerd / ye my lord / and yet more hard / And the foxe ſayd to the vylayn / Bynde hym yet more harder / For who that wel byndeth / well can he vnbynd And whanne the dragon was faſt and wel bounden / the fox ſayd to the vylayne / bere hym ageyne there as thow fyrſt tokeſt hym / And there thow ſhalt leue hym bounden as he is now / And thus he ſhalle not ete ne deuoure the / For he that dothe euylle / euylle he muſt
