¶ The xij fable is of the wulf and of the hongry dogge
Uche ſuppoſen ſomtyme wynne that
lesen / As hit appiereth by this
Fable / For hit is ſayd comunly
that as moche despendeth the
nygard as the large / As hit appiereth
by this fable of a man whiche had a grete
herd of ſheep / And alſo he had a dogge for to
kepe them fro the wulues / To this dogge he gaf
no mete / for the grete auaryce whiche held hym /
And therfore the wulf on a daye came to the
dogge and demaunded of hym the rayſon / why
he was ſoo lene / and ſayd to hym / I ſee wel
that thow dyeſt for honger / by cauſe that thy
mayſter gyueth the no mete / by his grete ſcarcyte
/ but yf thow wylt byleue me I ſhalle gyue
to the good counceylle / And the dogge ſayd to
hym / Certaynly I myster gretely of good counceylle
/ ¶ Thenne the wulf ſayd to hym / This
ſhalt thow doo / Lete me take a lambe / And
whanne I ſhalle haue hit I ſhalle renne awey /
and whanne thow ſhalt ſee me renne / make
