¶ The xv fable is of the dogge / of the wulf and of the whether
Rete folye is to a fool that hath no
myght / that wylle begyle another
ſtronger than hym ſelf / as reherceth
this fable of a fader of
famylle whiche had a grete herd
or flock of ſheep / and had a grete dogge for to
kepe them which was wel ſtronge / And of his
voys all the wolues were aferd wherfore the
ſheepherd ſlepte more ſurely / but it happed /
that this dogge for his grete age deyde / wherfore
the ſheepherdes were ſore troubled and
wrothe / and ſayd one to other / we ſhall no
more ſlepe at oure eaſe by cauſe that our dogge
is dede / for the wulues ſhall now come and
ete our ſheep / ¶ And thenne a grete wether
fyers and prowd / whiche herd alle theſe wordes
came to them and ſayd / I ſhalle gyue yow good
counceylle / Shaue me / and put on me the
ſkynne of the dogge And whanne the wulues
ſhalle ſee me / they ſhalle haue grete fere of me /
¶ And whanne the wulues came and ſawe the
wether clothed with the ſkynne of the dogge /
