¶ The xvj fable maketh mencyon of the man / of the lyon & of his ſone
E that reffuſeth the good doctryne
of his fader / yf euyl happe cometh
to hym / it is but ryght / As to vs
reherceth this fable of a Labourer /
whiche ſomtyme lyued in a deſerte
of his cultyuynge and laboure / In this deſerte
was a lyon / whiche waited and deſtroyed all
the ſede / which euery daye the ſayd labourer
sewed / and alſo this lyon deſtroyed his trees /
And by cauſe that he bare and dyd to hym ſo
grete harme and dommage / he made an hedge /
to the whiche he putte and ſette cordes and
nettes for to take lyon / And ones as this lyon
came for to ete corne he entryed within a nette /
& was taken / And thenne the good man came
thiyder/ and bete and ſmote hym ſo wonderly /
that vnnethe he myght ſcape fro deth / And by
cauſe that the lyon ſawe that he myght not
eſcape the ſubtylyte of the man / he took his
lytyl lyon / and went to dwelle in another
Regyon / and within a lytyl whyle after that
the lyon was wel growen and was fyers &
