¶ The fyfthe fable is of the dogge and of the pyece of flessh
e that deſyreth to haue other mens
goodes oft he loſeth his owne
good / whereof Eſope reherceth to
vs ſuche a fable / In tyme paſſed
was a dogge that wente ouer a
brydge / and held in his mouthe a pyece of
fleſſhe / and as he paſſed ouer a brydge / he
perceywed and ſawe the ſhadowe of hym /
and of his pyece of fleſſhe within the water /
And he wenynge that it had be another pyece
of fleſſhe / forthwith he thought to haue take
it / And as he opened his mouthe / the pyece
of fleſſhe fylle in to the water / and thus he loſt
it / Ryghte ſoo is of many / for whanne they
thynke to robbe other / they leſe theyr owne
and propre good / wherfor for the loue of a vayn
thynge men ought not to leue that whiche is
certeyn.
