¶ The ſecond fable is of the commyſſion of pecuny or money
Spaynard arryued ſomtyme in to
the lande of egipte and by cauſe
that he doubted to be robbed
within the deſertys of Arabe / he
purpoſed and bethought in hym
ſelf that it were wyſely done to take his money
to ſomme trewe man for to kepe hit vnto his retorne
ageyne / And by cauſe that he herd ſomme
ſaye / that within the Cyte was a trewe man / he
anone wente to hym / and toke to hym his ſyluer /
for to kepe hit / And whan he had done his
vyage he came ageyne to hym / and demaunded
of hym his ſyluer / whiche anſuerd to hym in this
manere / My frend / I ne wote who thow arte /
for I ſawe the neuer that I wote of / And yf
thou ſayeſt or ſpekeſt ony more wordes / I ſhalle
make the to be wel bete / Thenne was the
ſpaynard ſorowful and wroth / and therof he
wold haue made a playnte to his neyghbours /
as he dyde / & the neyghbours ſayd to hym /
Certaynly / we be wel abaſſhed of that / that
ye telle to vs / for he is emonge vs alle reputed
