¶ The thyrd fable ſpeketh of a ſubtyle Inuencion of a ſentence gyuen upon a derke and obſcure cauſe.
It befelle ſomtyme that a good man
labourer wente fro lyf to deth /
the whiche labourer lefte nothyng
to his ſone / but only a hows /
the whiche ſone lyued by the
laboure of his handes pourely / This yong man
had a neyghbour whiche was made ryche
whiche demauded of the ſayd yong man yf he
wold ſelle his hows / but he wold not ſelle it /
by cauſe that it was come to hym by inherytauce
and by patrymony wherfore the ryche man his
neygbour conuerſyd & was ful oft with hym for
to deceyue hym / but the yong man fled his
company as moche as he myght / & whan the
ryche man perceyued that the yong man fled
from hym / he bethougt hym ſelf of a grete
decepcion & falſhede / & demaūded of the poure
yong man that he wold hyre to hym a parte of
his hows tor to delue & make a celer / the whiche
he ſhold hold of hym payeng to hym yerely rent /
& the poure yong man hyred it to hym / & whan
