¶ The vij fable is of a Rethorycian and of a crowk backed
Philoſopher ſayd ones to his ſone /
that whan he were falle by fortune
in to ſomme dommage or perylle /
the ſooner that he myght he ſhold
delyuere hym of hit / to thende /
that afterward he ſhold no more be vexed ne
greued of hit / As hit appiereth by this fable of a
rethoryque man or fayr ſpeker / whiche ones
demaunded of a kynge / that of alle them whiche
ſhold entre in to the cyte / hauynge ſomme faulte
of . kynde on theyr bodyes / as crouked or counterfayted
/ he myght haue and take of them at
thentre of the yate a peny / the whiche demaunde
the kynge graunted to hym / and made his lettres
to be ſealed and wreton vnder his ſygnet / And
thus he kepte hym ſtyll at the yate / And of
euery lame / ſcabbed / & of alle ſuche that had
ony counterfaytour on theyr bodyes / he tooke a
peny / ¶ It happed thene on a day that a
croukbacked and counterfayted man wold haue
entryd within the Cyte withoute gyuynge of ony
peny / and bethought hym ſelf / that he ſhold
