¶ The v fable is of the recytacion of ſomme monſtres
Oge of Florence recyteth how in his
tyme one named Hugh prynce
of the medycyns / ſawe a catte
whiche had two hedes and a
calf whiche alſo had two hedes
And his legges bothe before and behynde were
double / as they had be Joyned al to gyder /
as many folke ſawe / Jtem about the marches
of ytalye withynne a medowe was ſomtyme a
Cowe / the whiche Cowe maade and delyuerd
her of a ſerpent of wonder and Ryght merueyllous
gretteneſſe / Ryghte hydous and ferdful /
¶ For fyrſte he hadde the heede gretter than the
hede of a calf / ¶ Secondly / he had a necke of
the lengthe of an Aſſe / And his body made after
the lykeneſſe of a dogge / and his taylle was
wonder grete / thycke and longe withoute comparyſon
to ony other.
¶ And whanne the Cowe ſawe that ſhe hadde maade ſuche a byrthe / And that within her bely ſhe had borne ſoo ryght horryble a beeſte / ſhe was al ferdful / and lyfte her ſelf up / and