20
LIBER PRIMUS.
20
¶ The xiiij fable is of the Egle whiche bare a nutte in his becke and of the rauen
e that is ſure and wel garnyſſhed yet by fals counceyll may be betrayed / wherof Eſope telleth ſuche a fable / ¶ An Egle was ſomtyme vpon a tree / whiche held with his bylle a nutte / whiche he coulde not breke / the rauen came to hym / and ſayd / Thow ſhalt neuer breke it / tylle thow fleeſt as hyghe as thow mayſt / and thenne late it falle vpon the ſtones / And the Egle beganne to flyhe and lete fall his proye / and thus he loſt his notte / ¶ And thus many one ben deceyued thorughe fals counceylle / and by the fals tongue of other