38
LIBER
¶ The fyfthe fable maketh mencyon of the montayn whiche ſhoke
Yght ſo it happeth / that he that
menaceth hath drede and is ferdful
/ wherof Eſope reherceth to vs
ſuche a fable Of a hylle whiche
beganne to tremble and ſhake by
cauſe of the molle whiche delued hit / And whanne
the folke ſawe that the erthe beganne thus to
ſhake / they were ſore aferd and dredeful / and
durſt not wel come ne approche the hylle / But
after whanne they were come nyghe to the montayne
/ & knewe how the molle cauſed this hylle
ſhakynge / theyr doubte and drede were conuerted
vnto Joye / and beganne alle to lawhe /
And therfore men ought not to doubte al folk
which ben of grete wordes and menaces / For
ſome menacen that haue grete doubte
