¶ The viij fable is of the hares and of the frogges
En ſay conynly that after that the tyme goth / ſo muſt folke go / For yf thow makeſt deſtinction of the tyme thow ſhalt wel accord the Scryptures / wherof Eſope reherceth to vs ſuche a fable / And ſayth thus / that he whiche beholdeth the euylle of other / muſt haue pacyence of the euyile that maye come vpon hym / For ſomtyme as a hunter chaced thurgh the feldes and woodes / the hares beganne to flee for fere And as they ranne / they adreſſyd them in to a medowe fulle of frogges / ¶ And whanne the frogges herd the hares renne they beganne alſo to flee and to renne faſt / And thenne a hare whiche perceyued them ſo ferdfull ſayd to alle his felawes / Lete us no more be dredeful ne doubtuous / for we be not alone that haue had drede / For alle the frogges ben in doubte / and haue fere and drede as we haue / Therfore we ought not to deſpayre / but haue truſt and hope to lyue / And yf ſomme aduerſyte cometh vpon us / we muſt here it pacyently / For ones the