foxes hows al hungry and wente geyne to her lodgys / and by cauſe that the foxe had thus begyled her / ſhe bythoughte in her ſelf / how ſhe myght begyle the Foxe / For as men ſaye / it is meryte to begyle the begylers / wherfore the ſtorke prayd the foxe to come and ſoupe with her / and put his mete within a glas / And whanne the foxe wold haue eten / he myght not come ther by / but only he lycked the glas / by cauſe he cowde not reche to the mete with his mouthe / And thenne he knewe wel that he was deceyued / And thenne the ſtorke ſayd to hym / Take of ſuche goodes as thow gaueſt to me / And the poure foxe ryght ſhameful departed fro thens / And with the ſtaf whiche he had made he was bete And therfore he that begyleth other / is oftyme begyled hym ſelf /
