¶ The thyrd fable maketh mencion of the asse / of the hors / & of theyr fortune
E that is wel fortuned and happy /
and is atte vppereſt of the whele
of fortune / may wel falle doune /
And therfore none oughte to deſprayſe
the poure / but oughte to
thynke how the whele of fortune is moche
doubtous as ſhewethe this preſent fable / Of a
fayr hors whiche was wel harnayſed and arayed /
and his ſadel and brydel garnyſſhed with gold /
whiche hors mete with an aſſe ſore laden in a
narowe way / And by cauſe that the aſſe tourned
hym not a bak Incontynent the hors ſayd to
hym / Ha a chorle haſt thow noo ſhame ne vergoyne
/ that thow doſte ne bereſt none worſhippe
ne reuerence vnto thy lord / who holdeth now
me / that wyth my foote I breke not thyn hede /
by cauſe that thow putteſt not thy ſelf aſyde
and oute of my waye / ſo that I myght paſſe
& goo on my waye / The poure aſſe anſuerd
ne ſayd to hym neuer a word / and was ſore
aſerd that the horſe ſhold haue bete hym / wher-
