Peter at Medeshamsted, or Peterborough, and contemporary with the transactions which he relates.
In his work "De Vita et Gestis Henrici secundi et Ricardi primi," ex editione Thomæ Hearnii, Oxon. 1735, 2 vols. 8vo. vol. i. pp. 228–229.
Eodem anno, quidam Canonicus de Abbatiâ Bothmeniæ, quæ in partibus Cornubiæ sita est, Martinus nomine, statim post Epiphaniam Domini, furtivè asportavit Corpus Sancti Petroci; et eum eo fugiens transfretavit, et illud secum detulit usque ad Abbaciam Sancti Mevenni, sitam in partibus Minoris Britaniæ. Quod cùm Rogero Priori Bothmeniæ & Canonicis ibidem Deo servientibus innotuisset, predictus Prior, consilio Fratrum suorum, D'n'm Regem Angliæ Henricum, filium Matildæ Imperatricis, adiit, ut, per ipsius potentiæ auxilium, Corpus Sancti Petroci, quod per furtum amiserant, recuperassent. Ad instantiam autem illorum, concessit eis præfatus Rex auxilium suum; & mandavit per litteras suas Rollando de Dinamno Justiciaris Britanniæ, quod sine dilatione faceret illud Corpus reddi. Audito itaque mandato Regis, prædictus Rollandus venit cum armatâ manu & potenti ad Abbatiam Sancti Mevenni, et præcepit illud corpus reddi; quod cùm Abbas et Monachi ejusdem loci reddere nollent, ipse minas addidit, jurans se per vim, nisi celerius redderetur, extrahere velle illud. Quod ipsi audientes, noluerunt iram prefati Regis Angliæ incurrere: sed beatum Corpus illud reddiderunt prænominato Rogero Priori Bothmeniæ, die Dominicâ Clausi Pentecosten, festo scilicet Sanctorum Gervasii et Prothasi, Martyrum, scilicet 13 kalendas Julii; redditumque est ei corpus illud Sanctum cum omni integritate, & sine aliquâ diminutione, Abbate & Monachis Ecclesiæ Sancti Mevenni, jurantibus super Reliquias ejusdem Ecclesiæ quòd de Corpore illo nihil retinerent, sed idem Corpus non alternatum redderent. Quod cùm factum fuisset, prænominatus Prior Bothmeniæ cum gaudio in Angliam rediens, Corpus beati
