10
As gif the sun was shining bright; The Ghaist was stanan at the door, In the same dress he had afore; And o'er anent it, at the wa', Were ither apparitions twa. Thrummy beheld them for a wee, But deil a word as yet spoke he; The spirits seem'd to kick a ba', The Ghaist against the ither twa : While close they drave baith back & fore, Atween the chimla and the door. He stops a while, and sees the play, Syne, rinning up, he this did say: Ane for ane may weel compare, But twa for ane is rather sair ; The play's nae equal, say I vow, Dear brother Thrummy, I'll help you, Then wi' his feet he kick'd the ba', Gard it play stot against the wa': Quick then, as lightning frae the sky, The Spectres, with a horrid cry, A' vanish'd in a clap o' thun'er, While Thrummy at the same did won'er, The room was quiet now and dark, And Thrummy stirping in his sark; Glauming the gate back to his bed, He thinks he hears a person tread, An' ere he gat without the door, The Ghaist again stood him before, And in his face did staring stand, Wi' a big candle in its hand,