BATTLE OF HARLAW. 5
VI.
Then haiſtylie he did command,
that all his weir-men ſhould convene,
Ilk an well harniſit frae hand,
to meit and heir quhat he did mein; he waxit wrath and vowit tein,
Sweirand he wald ſurpryſe the North,
ſubdew the brugh of Aberdene,
Mearns, Angus, and all Fyfe, to Forth.
VII.
Thus with the weir-men of the Yles,
quha war ay at his bidding bown,
With money maid, with forſs and wyls,
richt far and neir baith up and doun: Throw mount and muir, frae town to town,
Allangſt the land of Roſs he roars,
and all obey'd at his bandown,
Evin frae the North to Suthren ſhoars.
VIII.
Then all the countrie men did zield;
for nae reſiſtans durſt they mak,
Nor offer battill in the feild,
be forſs of arms to beir him bak; ſyne they reſolvit all and ſpak,
That beſt it was for thair behoif,
they ſould him for thair chiftain tak,
Believing weil he did them luve,
